دوای ئەوەی وه‌زیری ته‌ندروستیی فه‌ڕه‌نسا، داوای له‌ گه‌نجانی وڵاته‌كه‌ی كرد زۆر مه‌ی نه‌خۆنه‌وه‌، به‌ تایبه‌ت شه‌راب و ئه‌و مه‌یانه‌ی كحولی زۆریان تێدایه‌، ئیمانوێل ماكرۆن سه‌رۆكی فه‌ڕه‌نسا رەخنەی لێ گرت و به‌رگری له‌ شه‌راب كرد بەوەی "نایه‌ڵم هیچ كه‌سێك قسه‌ی ناشیرین بە شەراب بڵێ، من ڕۆژانە دوو جار دەینۆشم".


به‌ گوێره‌ی هه‌واڵێكی ماڵپه‌ڕی (سپۆتنیك)ـی رووسی، ئیمانوێل ماكرۆن سه‌رۆكی فه‌ڕه‌نسا، زۆر حه‌ز به‌ خواردنه‌وه‌ی شه‌راب ده‌كات، بۆیه‌ ره‌خنه‌ی له‌و قسه‌یه‌ی وه‌زیری ته‌ندروستی وڵاته‌كه‌ی گرتووه‌.


ماكرۆن گوتوویه‌تی "رێگه‌ به‌ هیچ كه‌سێك ناده‌م قسه‌ی ناشیرین لەبارەی شه‌رابەوە بڵێ، چونكه‌ شه‌راب خواردنه‌وه‌یه‌كی میللییه‌ و رۆژانه‌ 2 جار ده‌ینۆشم".


ماكرۆن له‌ كاتی پروپاگنده‌ی هه‌ڵبژاردنیشدا، به‌رده‌وام گوتوویه‌تی له‌ ئه‌ده‌بیانی فه‌رەنسا و سینه‌مای فه‌ره‌نسادا، شه‌راب وه‌كو گفتوگۆیه‌كی ئاڵتونی نه‌خشێنراوه‌.


جگه‌ له‌ ماكرۆنیش، چه‌ندین نووسه‌ری دیاری فه‌ره‌نسا له‌ نووسینێكدا، داوایان له‌ حكوومه‌ت كردووه‌ واز له‌ قسه‌ی ناشیرین به‌ شه‌راب بهێنن، چونكه‌ شه‌راب بووه‌ به‌ خواردنه‌وه‌یه‌كی میللی فه‌ره‌نسی.

bas news-