کۆنگرەی پەرلەمانیی وڵاتانی ئەنجومەنی هاریکاریی ئیسلامی لە تارانی پایتەختی ئێران بە بەشداریی دەیان وڵات، بەڕێوە دەچێت.



کۆنگرەکە سەرلەبەیانیی رۆژی شەممە 13.1.2018 دەستی پێ کرد و لە یەکەم و دووەم رۆژی کۆنگرەکە، لێژنەکانی فەلەستین و دەرەوە و پەیوەندییەکانی پەرلەمانەکانی وڵاتانی ئیسلامی کۆ دەبنەوە.



بەپێی هەواڵی میدیا ئێرانییەکان، تا ئێستا 16 سەرۆک پەرلەمان و 14 یاریدەدەری سەرۆکی پەرلەمانی وڵاتانی ئیسلامی گەیشتوونەتە تاران و بڕیاریشە ئەوانەی دیکە شەوی شەممە بگەنە تاران.



کۆنگرەی پەرلەمانی وڵاتانی ئیسلامی، ساڵانە لە یەکێک لە وڵاتانی ئەنجومەنی هاریکاریی ئیسلامی بەڕێوە دەچێت و تێیدا تاوتوێی کێشەکانی وڵاتانبی ئیسلامی دەکرێت.



رێکخراوی هاریکاریی وڵاتانی ئیسلامی لە ساڵی 1969 لە ریباتی پایتەختی مەغریب دامەزراوە و لە 57 ئەندام پێک دێت. بارەگا سەرەکییەکەی لە شاری جەددە لە سعودیەیە.


باسنیوز