لوتکەی وڵاتانی کەنداوی عەرەبی لە شاری کوێتی پایتەختی کوێت ساز دەکرێ و تێیدا تاوتوێی دەستوەردانەکانی ئێران لە وڵاتانی عەرەبی دەکرێت.



لوتکەکە رۆژی سێشەممە 5/12/2017 بە بەشداریی شەش کەسی یەکەمی ئەنجومەنی هاریکاریی کەنداوی عەرەبی ساز دەکرێت.



لەو کۆبوونەوەیەدا، سەرانی وڵاتانی کەنداوی عەرەبی تاوتوێی دەستوەردانەکانی ئێران، کوژرانی عەلی عەبدوڵڵا ساڵح و رەوشی یەمەن، هەڕەشەی میلیشیاکانی حزبوڵڵای لوبنانی و حوسییەکانی یەمەن، دەکرێت.



ئەنجومەنی هاریکاریی کەنداوی عەرەبی لە هەر شەش وڵاتی سعودیە، ئیمارات، بەحرەین، کوێت، عومان و قەتەر پێک دێت و شا، میر و سوڵتانی ئەو وڵاتانە بەشداریی لوتکەکە دەکەن.



باسنیوز