ئەمریکا و کۆریای باشوور گەورەترین مانۆڕی سەربازیی ئاسمانی ئەنجام دەدەن و کۆریای باکووریش بە دنەدان بۆ شەڕ ”ئیسفزاز“ی دادەنێت.



مانۆڕەکە بە بەشداریی دەیان هەزار سەربازی هەردوو وڵات و 230 فڕۆکەی سەربازی، کە شەشیان فڕۆکەی جۆری شەبەح (F22)ی ئەمریکین، سەرلەبەیانیی رۆژی دووشەممە 4/12/2017 لەسەر ئاسمانی کۆریای باشوور دەستی پێ کرد و ماوەی پێنج رۆژ بەردەوام دەبێت.



بەپێی هەواڵی ئاژانسی (یونهاب)ی کۆریای باشوور، ساڵانە ئەو مانۆڕە سەربازییە ئەنجام دەدرێ، بەڵام ئەمساڵ لەڕووی هێز و قەبارەوە گەورەترە.



کۆریای باکوور، کە کیم جۆنگ ئون سەرۆکایەتیی دەکات، ئەو مانۆڕە بە دنەدان بۆ شەڕ“لەلایەن ئەمریکا و کۆریای باشوورەوە داناوە و رایگەیاندووە، ”حکوومەتی ئەمریکا سواڵی شەڕ دەکات“.



باسنيوز