بەپێی ڕاپۆرتی میدیا عەرەبییەکان باڵیۆزخانەی ئێران لە شاری (سەنعا) پایتەختی یەمەن ئەمڕۆ ئاگری تێ بەردراوە.



کەناڵی تەلەفزیۆنیی (سکای‌نیوز) لەمبارەوە بڵاوی کردووەتەوە، "ئەو ئاگرکەوتنەوەیە لە ئەنجامی شەڕ و تێکهەڵچوونی نێوان حووسییەکان و سوپای ئەو وڵاتە بووە لە پایتەختی یەمەن".



میدیاکانی ئێرانیش ئەم هەواڵەیان بڵاو کردووەتەوە، بەڵام هیچ وردەکارییەکیان ئاشکرا نەکردووە.



لە ماوەی چەند ڕۆژی ڕابردوودا هێرشی هاوپەیمانێتیی عەرەبی بۆ سەر یەمەن و پێگەی حوووسییەکان زیادی کردووە و چەندین شاریان لە دەستی حووسییەکان دەرهێناوە کە گرووپێکی میلیشیایی سەر بە ئێرانن.



باسنيوز