ئەنجومەنی هاریکاریی ئیسلامی بەیاننامەیەک لەبارەی راپەڕینی گەلی یەمەن لە دژی میلیشیای حوسییەکان، دەردەکات.



بەپێی بەیاننامەکە، کە میدیا عەرەبییەکان بڵاویان کردووەتەوە، رێکخراوی هاریکاریی ئیسلامی پشتگیریی خۆی بۆ راپەڕین لە دژی حوسییەکان نیشان داوە و رایگەیاندووە، ”لە نزیکەوە“ چاودێریی رەوشی ئەو وڵاتە دەکات.



رێکخراوەکە پێشوازی لە دانوستاندنی لایەنە ناکۆکەکانی یەمەن جگە لە حوسییەکان کردووە و جەختی لەوە کردووەتەوە، کە پشتیوانیی دەسەڵاتی شەرعیی یەمەن دەکات.



نزیکەی هەفتەیەکە هێزەکان سەر بە پارتی کۆنگرەی گەل، کە عەلی عەبدوڵڵا ساڵح، سەرۆکی پێشووی یەمەن سەرۆکایەتی دەکات شەڕی دژی حوسییەکان راگەیاندووە و تا ئێستا چەندین شاری وڵاتەکەیان رزگار کردووەتەوە.



دوای لەسەرکار لادانی عەلی عەبدوڵڵا ساڵح لە ساڵی 2012 لە ئەنجامی شۆڕشی گەلی یەمەن دژی حکوومەتە دیکتاتۆرەکەی، عەلی عەبدوڵڵا ساڵح بووە هاوپەیمانی چەکدارە حوسییەکان و دەستیان بەسەر وڵاتەکەیاندا گرت و حکوومەتی عەبد رەبە مەنسوڕیان شکست پێهێنا.



حوسییەکان میلیشیایەکی چەکداریی شیعەمەزهەبن. لەلایەن کۆماری ئیسلامیی ئێرانەوە پاڵپشتیی سەربازیی و دارایی دەکرێن.



رێکخراوی هاریکاریی ئیسلامی، لە 57 وڵاتی ئیسلامی پێک دێت و ئەندامی نەتەوە یەکگرتووەکان.



باسنيوز