پێش دوو مانگ، ئه‌مریكا به‌ فه‌رمی پێدانی هه‌موو جۆره‌ ڤیزایه‌كی به‌ هاووڵاتیانی توركیا راگه‌یاند. ئه‌مه‌یش زیانێكی گه‌وره‌ی ئابووری به‌ توركیا گه‌یاند. گه‌مارۆی پێ نه‌دانی ڤیزای ئه‌مریكی به‌ هاووڵاتیانی توركیا تاوه‌كو ئێستەش به‌رده‌وامه‌ و لەم ماوەیەدا تەنها 2000 كەس ڤیزای ئەمریكایان وەرگرتووە.

ماڵپه‌ڕی (T24) بڵاوی كرده‌وه‌، له‌ مانگی ئه‌یلوول كه‌ جارێ ئه‌مریكا پێدانی ڤیزای به‌ هاووڵاتیانی توركیا رانه‌گرتبوو، 7 هه‌زار و 419 كه‌س ڤیزایان وه‌رگرتووه‌.

به‌ڵام له‌ ماوه‌ی 2 مانگی رابردوودا كه‌ ئه‌مریكا به‌ فه‌رمی هه‌موو جۆره‌ ڤیزایه‌كی به‌ هاووڵاتیانی توركیا راگرت، تەنها 2 هه‌زار و 40 ڤیزایان وه‌رگرتووه‌، كه‌ زۆربه‌ی ئه‌و ڤیزایانه‌ش بۆ نه‌خۆشی و وه‌به‌رهێنه‌ره‌كان و دیپلۆماتكاران بووه‌.

ئێستە وه‌رگرتنی ڤیزای ئه‌مریكیش بۆ هاووڵاتیانی توركیا نرخه‌كه‌ی له‌ نێوان 160 بۆ 265 دۆلارە.









باسنيوز