موقتەدا سەدر، سەكردەی ڕەوتی سەدر، ئاماژەی بۆ ئەوە كردووە كە پەیوەندییەكانی لەگەڵ سعودیە، ئێرانی بێزار كردووە.



سەدر لە چاوپێكەوتنێكی تەلەفزێونیدا ئەوەی خستە ڕوو، عێراق پەیوەندییەكانی لەگەڵ وڵاتانی عەرەبی باش دەكاتەوە و بەتایبەتی سعوودیە.



سەرکردەی ڕەوتی سەدر ڕاشی گەیاند، لەگەڵ ئەوەدا نیم هێزەكانی حەشدی شەعبی تێكەڵی دەزگا ئەمنییەكانی عێراق بكرێن و ئەو هێزانەی لەڕێ لادەرن و دەبنە هۆی پێشێوی و شەڕ و پێویستە ڕێگە لەو هێزانە بگیردرێت.



پێشتر موقتەدا سەدر بە فەرمی سەردانی وڵاتی سعودیەی کرد و ئەمەش ناڕەزایی بەشێك لە سەركردە عەرەبە شیعەكانی عێراقی لێ كەوتەوە.



لە چەند ڕۆژی ڕابردوودا موقتەدا سەرد، داوای لە هێزەكانی سەرایا سەلام كرد لە ماوەی 72 كاتژمێردا لە كەركووك بكشێنەوە.



باسنیوز