وەزارەتی بەرگری روسیا رایگەیاند كە شەش فڕۆكەی جەنگیی ستراتیجی روسی جۆری (تو 22 ئێم 3)، موڵگەكانی داعشیان لە نزیك ئەلبوكەمال لە پارێزگای دێرەزور لە سوریا بۆردومان کردووە.

لەبەیاننامەیەكدا كە رۆژی چوارشەممە بڵاویانکردوەتەوە، وەزارەتی بەرگری روسیا ئاماژە بۆ ئەوە دەکات كە فڕۆكە جەنگییەكان لە خاكی روسیا هەڵساون و بەسەر ئاسمانی ئێران و عیراقدا گەیشتونەتە سوریا.

بە پێی بەیاننامەكە، ئەو هێرشەی روسیا بارەگا ناوەندییەکانی داعش و کۆگاکانی چەکی ئەو رێکخراوەیان کردووەتە ئامانج و "هەموویان خاپور کردووە."

وەزارەتەکە ئاماژەی بۆ ئەوەش کردووە كە فڕۆكە جەنگییەكانی جۆری "سو 30 ئێس ئێم"ـی روسیش لە فڕۆكەخانەی حمەیمیم لە سوریا هەڵساون بۆ زامنكردنی ئەركی فرۆكە ستراتیجیەكانی روسیا و هەر شەش فڕۆكەکە دوای ئەنجامدانی ئەرکەکانیان گەڕاونەتەوە بنكەكانیان لە روسیا.






خەندان