گەشتەکانی فڕۆکەخانەی بەنینا لە شاری بەنغازیی لیبیا دوای سێ ساڵ وەستان، دەست پێ دەکەنەوە.



یەکەم گەشتی فڕۆکەخانەی بەنینا لە بەنغازی، رۆژی شەممە 15.7.2017 بەرەو فڕۆکەخانەی تەڕابلوسی پایتەختی ئەو وڵاتە و شاری عەممانی پایتەختی ئوردن ئەنجام درا.



ماوەی زیاتر لە سێ ساڵ بوو ئەو فڕۆکەخانەیە و شاری بەنغازی لەژێر داگیرکاریی چەکدار و گرووپە ئیسلامییە توندڕەوەکاندا بوو و لە سەرەتای ئەم مانگەوە، مشیر خەلیفە حەفتەر ، فەرماندەری سوپای نیشتمانیی لیبیا رزگارکردنەوەی ئەو شارەی راگەیاند.



دوای راگەیاندنی خەلافەتی ئیسلامی لەلایەن ئەبوبەکر بەغدادی لە ساڵی 2014، گرووپە تیرۆریستییەکانی بەنغازی بەیعەتیان بە بەغدادی وەک خەلیفەی رێکخراوەکە دا و خۆیان وەک بەشێک لەو رێکخراوی تیرۆریستیی داعش ناساند.




باسنیوز