سەدان سەربازی تورکیا لە سەربازگەیەکی وڵاتەکەیان بەهۆی خواردنی تێکچووەوە، ژەهراوی دەبن.



بەپێی هەواڵی میدیا تورکییەکان، سوپای تورکیا رایگەیاندووە، 590 سەرباز لە سەربازگەی مانیسا لە رۆژئاوای تورکیا، دوای خواردنی بەربانگی رۆژی شەممە 17.6.2017، ژەهراوی بوون و گەیەندراونەتە نەخۆشخانە.



والیی شاری مانیسا هەواڵەکەی پشتڕاستکردووەتەوە و تا ئێستا هیچ زانیارییەکی دیکەی رایگەیاندووە.



ئەو رووداوی ژەهراویبوونەی سەربازان لە سەربازگەی مانیسا، سێیەم رووداوی ژەهراویبوونە، کە لە ماوەی مانگێکدا لەو سەربازگەیە رووی داوە.



باسنیوز