فڕۆکە جەنگییەکانی هاوپەیمانیی نێودەوڵەتیی دژ بە داعش بە ڕێبەریی ئەمریکا، دوو کێڵگەی نەوتییان لە سووریا کردووەتە ئامانج.



بەپێی ڕاپۆرتی ڕاگەیەنەکانی سووریا، فڕۆکە جەنگییەکانی هاوپەیمانان، دوو کێڵگەی نەوتیان لە پارێزگای دەیرەلزوور کردووەتە ئامانج و خەسارێکی زۆریان پێ گەیاندووە.



ڕاپۆرتەکان باس لەوە دەکەن، دوو کێڵگەی نەوتیی (ئەلعەمەر و ئەلوەرد)ی هەڵکەوتوو لە ڕۆژهەڵاتی پارێزگای دەیرەلزووری سووریا لە ماوەی ڕۆژانی ڕابردوودا لەلایەن هێزەکانی هاوپەیمانانەوە کراونەتە ئامانج.



هەتا ئێستا هێزەکانی هاوپەیمانان کاردانەوەیەکیان لەم بارەوە نەبووە و ئاست و ڕێژەی خەسارەکانیان ئاشکرا نەکردووە.



میدیاکانی سووریا و ئێران بە بەردەوامی باسی ئاڵۆزی و ململانێی نێوان ئەمریکا و گرووپ و میلیشیا شیعەکان لە عێراق و سووریا دەکەن کە هەرکامەیان بەنیازن سنووری نێوان عێراق و سووریا کۆنترۆڵ بکەن.




باسنيوز