رێکخراوێکی سەر بە رێکخراوی تیرۆریستی قاعیدە بەهۆی کوژرانی زۆرینەی سەرکردەکانی، هەڵدەوەشێتەوە.

بەپێی زانیارییەکان، رێکخراوی ئەنساڕول شەریعە لە لیبیا، یەکێک بوو لە رێکخراوە ئیسلامییە تیرۆریستییەکانی باکووری ئەفریقا و لە لیستی تیرۆری ئەمریکا و نەتەوە یەکگرتووەکان بوو.

ئەو رێکخراوە تیرۆریستییە، کە باڵیقاعیدە بوو لە لیبیا، رۆژی یەکشەممە 28.5.2017 لە بەیاننامەیەکدا هەڵوەشاندنەوەی خۆی راگەیاند.

ئەنساڕول شەریعە هۆکاری هەڵوەشاندنەوەی خۆی بۆ کوژرانی زۆرینەی سەرکردە و چەکدارەکانی گێڕاوەتەوە.

دوای رووخاندنی رژێمی موعەممەر قەزافی، سەرۆکی لیبیا لە مانگی 10ـی 2011، دەیان گرووپ و رێکخراوی تیرۆریستی لەو وڵاتە دروستبوون و شەڕی ناوخۆیی و شەڕی گرووپە تیرۆریستییەکان و حکوومەت دەستی پێکردووە.










باسنيوز