دۆناڵد ترەمپ، سەرۆکی ویلایەتە یەکگرتووەکانی ئەمریکا، پاش سەفەرێکی دوو ڕۆژە لە ڕیازی پایتەختی سعوودیە، ئەمڕۆ دووشەممە بە سەردانێکی فەرمیش گەیشتە ئیسرائیل و لە فڕۆکەخانەی (تەلئەڤیڤ) لەلایەن بنیامین نەتانیاهۆ سەرکوەزیرانی ئیسرائیل و ڕوویین ڕیۆلین، سەرکۆماری ئەو وڵاتەوە پێشوازیی لێ کرا.



بەپێی هەواڵ و زانیاریی میدیا جیهانییەکان، ئامانج لەم سەردانەی دۆناڵد ترەمپ بۆ ئیسراسئیل پتەوترکردنی پەیوەندییە سیاسی، ئابووری و سەربازییەکانی نێوان دوو وڵات، هەروەها هەوڵدانە بۆ تاوتوێی پرسی ئاشتیی نێوان فەلەستین و ئیسرائیل.



بڕیارە ترەمپ لەم گەیشتەیدا بۆ ئیسرائیل سەردانی دیواری ڕۆژئاوا و "یاد وەشەم" بکات و بڕیاریشە سەرۆکوەزیرانی ئیسرائیل و سەرۆکی وەلایەتە یەکگرتووەکانی ئەمریکا ئێوارەی ئەمڕۆ کۆنفرانسێکی ڕۆژنامەنووسیی هاوبەش ساز بکەن.





باسنیوز