ئەمڕۆ شەممە مەلەک سولەیمان پادشای سعوودی، مەدالیای مەلەک عەبدولعەزیز کە بەرزترین نیشانە و خەڵاتی سعوودیەیە، بەخشییە دۆناڵد ترەمپ سەرۆکی ویلایەتە یەکگرتووەکانی ئەمریکا.

ماڵپەڕی ئەلعەرەبییە لەم بارەوە بڵاوی کردوەوە، ئەمڕۆ شەممە 2017/5/20 پاش پێشوازیی فەرمیی مەلەک سولەیمان لە دۆناڵد ترەمپ، لە ڕیوڕەسمێکی تایبەتدا خەڵاتی تایبەتیی ئەو وڵاتەی کردووەتە گەردنی ترەمپ.

سەلمان کوڕی عەبدولعەزیر پادشای سعوودیە بە دۆناڵد ترەمپی راگەیاندووە "ئەم سەردانەی ئێوە دەبێتە هۆی بەهێزبوونی هاوکاریی ستراتیژی و ئەمەش کاریگەریی لەسەر سەقامگیریی ناوچە و جیهان هەیە".

بڕیارە دۆناڵد ترەمپ، سبەینێ یەکشەممە 2017/5/21 لە کۆبوونەوەی هاوبەشی ئیسلامی – ئەمریکا کەلە ڕیاز بەڕیوە دەچێت، بەشداری بکات.











باسنيوز