سەرۆکی ئەمریکا جەختی کردەوە کە ئەو، مافی رەھای ھەیە ئەو زانیارییانە بە رووسیا بدات کە پەیوەندییان بە بەرەنگاربوونەوەی تیرۆر ھەیە.

ئەمڕۆ سێشەممە 16/5/2017، دۆناڵت ترەمپ لە ھەژماری تایبەتیی خۆی لەسەر تۆڕی کۆمەڵایەتیی تویتەر نووسیویەتی: "وەک سەرۆکی ئەمریکا، لە میانی چاوپێکەوتنێکدا لە کۆشکی سپی لە چوارچێوەی بەرنامەی کاری راگەیەندراو، ویستم ھەندێ راستی پەیوەست بە تیرۆر و سەلامەتی فڕینی فڕۆکە جەنگییەکان بدەم بە رووسیا، لەوەشدا مافی رەھام ھەیە".

بەڵام، سەرۆکی ئەمریکا، ھیچ قسەی لەسەر ئەو ھەواڵانە نەکرد کە گوایە زانیاری نھێنی داوە بە وەزیری دەرەوەی رووسیا و زانیارییەکی نەخستوەتەڕوو.









باسنيوز