بەپێی ڕاپۆرتی ماڵپەڕێکی ڕووسیا، لە ئەنجامی تەقینەوەیەک لە یەکێک لە بیناکانی شاری (ولگوگراد)ی ڕووسیا دوو کەس کوژراون و پێنج کەسی دیکەش بریندار بوون.

ماڵپەڕی (تاس)ی ڕووسی لەم بارەوە بڵاوی کردووەتەوە، ئەمڕۆ سێشەممە 2017/5/16 لە یەکێک لە گەڕەکەکان لە باشووری ڕۆژئاوای شاری (ولگوگراد) تەقینەوەی غاز بووەتە هۆی کوژرانی دوو کەس و پێنج کەسی دیکەش بریندار بوون.

سەرچاوەکان باس لەوە دەکەن هۆکاری ئەو تەقینەوەیە هۆکاری دزەکردنی غاز لە کاتی نۆژەنکردنەوەدا بووە.

هێزە فریاگوزارییەکان بۆ ڕزگاکردنی خەڵک و کۆنترۆڵکردنی دۆخەکە گەیشتوونەتە شوێنی ڕووداوەکە.

ڕاپۆرتەکان باس لەوە دەکەن لە ئەنجامی ئەو تەقینەوە، نزیکەی دە بینا لە دەوروبەری ڕووداوەکە خەسارەتیان پێ گەیوە.













باسنيوز