هێشتا ویلایه‌ته‌ یه‌كگرتووه‌كانی ئه‌مه‌ریكا شانازی ده‌كات به‌وه‌ی خاوه‌نی‌ "به‌هێزترین" سوپایه‌ له‌ جیهاندا، ئه‌وه‌ش به‌پێی ریزبه‌ندییه‌كی نوێی جیهانی بۆ هێزه‌ چه‌كداره‌كان.

به‌گوێره‌ی ماڵپه‌ڕی گڵۆباڵ فایه‌رپاوه‌ر بۆ شرۆڤه‌ی سه‌ربازی، ویلایه‌ته‌ یه‌كگرتووه‌كانی ئه‌مه‌ریكا ساڵانه‌ زیاتر له‌ 600 ملیار دۆلار له‌ بودجه‌ی به‌رگری خۆیدا خه‌رجده‌كات و ژماره‌ی سه‌ربازه‌كان بریتییه‌ له‌ 145 ملیۆن و 215 هه‌زار سه‌رباز.

به‌گوێره‌ی ریزبه‌ندییه‌كه‌، ڕووسیا له‌ پله‌ی دووه‌مدایه‌ و ساڵانه‌ كه‌متر له‌ 45 ملیار دۆلار له‌ بودجه‌س به‌رگریدا خه‌رجده‌كات و هاوكات چین ساڵانه‌ 161 ملیار دۆلار له‌ بودجه‌ی به‌رگریدا خه‌رجده‌كات.

هه‌روه‌ها ئه‌مه‌ریكا 19 فڕۆكه‌ هه‌ڵگری هه‌یه‌ و له‌ میانی ئیداره‌ی دۆناڵد تره‌مپ، سه‌رۆكی ئه‌مه‌ریكادا بودجه‌ی به‌رگری ئه‌و وڵاته‌ زیاتر ده‌بێت و تره‌مپ پێشنیاری كردووه‌ بودجه‌كه‌ی بڕی 54 ملیار دۆلار بۆ وه‌زاره‌تی به‌رگریی زیاتربكرێت.

تره‌مپ ڕایگه‌یاندووه‌، زیادكردنی بودجه‌ی پنتاگۆن بۆ شكستپێهێنانی داعش و زیاتركردنی ژماره‌ی پاپۆڕه‌كانی هێزی ده‌ریایی ئه‌مریكا و دروستكردنی 35 فرۆكه‌ی ئێف 35 ی جه‌نگی ده‌بێت بۆ هێز ی ئاسمانی ئه‌و وڵاته‌.

هه‌روه‌ها سوپای ئه‌مه‌ریكا جه‌ختیكردووه‌ته‌وه‌، به‌هێزی‌ ئه‌وان له‌ بوونی‌ ژماره‌یه‌ك جۆری چه‌كی جیاواز و كارئاسانی لۆجستی و سه‌رچاوه‌ی سروشتی یه‌، له‌كاتێكدا هێزه‌كانی په‌یمانی ناتۆ به‌شێوه‌یه‌كی كه‌م باشتربوون به‌هۆی هاوبه‌شی پێكردنی سه‌رچاوه‌كانیانه‌وه‌.






خه‌ندان