پاڵێوراوێکی پۆستی سەرۆکایەتیی کۆماری ئێران دەڵێت بەهۆکاری شەرعی ناتوانن گەشتیاری ئەوروپی وەربگرن.
ڕۆستەم قاسمی یەکێک لە پاڵێوراوانی بناژۆخواز بۆ هەڵبژاردنی سەرۆکایەتیی کۆماری ئێران کە بڕیارە ئەمساڵ بەڕێوە بچێت، ڕایگەیاندووە کە ئێران بە هۆکاری شەرعی و ئیسلامی ناتوانێت پێشوازی لە گەشتیاری ئەوروپی بکات و لە بەرامبەردا دەبێ گەشتیاری ئیسلامی جێگایان بگرێتەوە.

سایتی ئینتخابی ئێران وتەکانی قاسمی پاڵێوراوی پۆستی سەرۆک کۆماری و وەزیری پێشووی نەوت لە کابینەی مەحمود ئەحمودی نەژادی بڵاو کردەوە کە دەڵێت "ساڵانە لە جیهاندا ٨٠ ملیۆن گەشتیاری حەڵاڵ هەن و پێویستە ئێرانیش بەرەو پێشوازی لە گەشتیاری ئیسلامی هەنگاو بنێت. " لەو بارەیەوە ناوبراو ئاماژەی بە گەشتیارانی عێراقی بۆ ئێران کردووە کە پێشتر ژمارەیان دەگەیشتە ١٠٠ هەزار کەس، بەڵام ساڵی ڕابردوو ئەو ژمارەیە بۆ دوو ملیۆن و ٧٠٠ هەزار گەشتیاری عێراقی بەرز بووەوە.

هەربۆیە قاسمی پێشبینی کردووە ئەگەر کێشەی پێدانی ڤیزا چارەسەر بکرێت، ساڵانە زیاتر لە ٨ ملیۆن گەشتیاری ئایینی لە عێراقەوە سەردانی شوێنە پیرۆزەکانی ئێران دەکەن
payamner -