سندووقی دراوى نێوده‌وڵه‌تی, داوای له‌ عێراق كردووه‌ باجی گومرگی به‌رزبكاته‌وه ‌و دامه‌زراندن رابگرێت و چاو به‌به‌شه‌ خۆراكی مانگانه‌ هاووڵاتیانيشدا بخشێنێته‌وه‌.

سندووقی دراوى نێودەوڵەتی‌ داوای كردووه‌ باجی گومرگی بگه‌یه‌نێته‌ له‌سه‌دا 30 و چیتر ھاوڵاتیان له‌ دامو ده‌زگا حكومییه‌كان دانه‌مه‌زرێت، چونكه‌ به‌بی بوونی توانست هاوڵاتییه‌كی زۆر دا‌مه‌زراون و بارێكی قورسی ئابوورییان له‌سه‌ر شانی حكوومه‌ت دروستكردووه‌.

هاوكات داوای كردووه‌ به‌شه‌ خۆراكی مانگانه‌ی هاوڵاتیانیش ته‌نها بدرێته‌ هه‌ژاران، ئه‌مه‌ش وه‌ك هه‌نگاوێكه‌ بۆ به‌رزكردنه‌وه‌ی داهاته‌كانی عێراق, به‌تایبه‌ت له‌سه‌رده‌می ئێستا كه‌ نرخی نه‌وت داهاتێكی زۆر بۆ وڵاته‌ نه‌وتفرۆشه‌كان كۆناكاته‌وه‌.
k24 -