لەندەن؛ خۆپیشاندان دژی سیاسەتەكانی ترەمپ ئەنجامدرا
خۆپیشاندەران كەئاڵای رەش و خوێناویان بەرزكردبۆوە وەك هێمایەك بۆ جەنگ و خوێنڕشتن و چەندین دروشمیان لەسەر نوسرابوون لەوانە " نەخێر بۆ ترامپ ، نەخێر بۆ جەنگ " ئەوەش وەك ئاماژەیەك بۆ نارەزایەتی دەربڕین لەدژی رێگرتن لەكۆچبەران و هاوڵاتیان و سیاسەتەكانی دەرەوەی ترەمپ.
هەفتەی رابردوو ترامپ بەر لەهەفتەیەك بریارێكی پەسەندكرد كە بۆماوەی 4 مانگ رێگانادات كۆچبەران بچنە نێو ویلایەتەیەكگرتوەكانی ئەمریكا و بەشێوەیەكی كاتیش رێگە بە هاوڵاتیانی عیراق و شەش وڵاتی تری زۆرینە موسڵمان نادات بچنە ئەو ولاتەوە .
جەیمس روبرت دادوەری فیدراڵی ئەمریكا دوێنێ بڕیارێكی دەركرد بۆ ڕاگرتنی بڕیارەكەی دۆناڵد ترەمپ-ی سەرۆكی ئەمریكا بۆ نەدانی ڤیزا بە حەوت وڵات و بڕیارەكە لەهەموو ئەمریكا جێبەجێدەكرێت.
روبرت ڕایگەیاندووە، "دادگا گەیشتووەتە ئەو باوەڕەی لەو باروودۆخەی لەبەردەمیدایە، پێویستدەكات بێتەسەر خەت بۆگێڕانەوەی ڕۆڵی دەستوری خۆی".
xandan -
