بەشار ئەسەد سەرۆکی سوریا لە پەیامێکدا بۆ ڤلادمیر پوتینی سەرۆکی روسیا ھاوخەمی خۆی بۆ قوربانیانی فڕۆکە تێکشاوەکەی روسیا دەبڕی و گوتی "فڕۆکەکە ھەڵگری ھاوڕێیانی ئازیزمان بوو و دەھاتن بۆ ئەوەی بەبۆنەی سەرکەوتنی حەلەب و جەژنی کریسمس بەشداریمان لەگەڵ بکەن".

ئەسەد لە پەیامەکەیدا بە پوتین دەڵێت " خەم و شادیمان یەکە"، پیشی وایە کەوتنەوە خوارەوەی فڕۆکەی روسیا کاریگەری بۆ سەر شەڕی دژی داعش نابێت.

رۆژی یەکشەممە، فڕۆکەیەکی روسی لە جۆری توپۆلۆف ١٥٤ بە ٩٢ سەرنشین و تیمی خزمەتگوزاری بەرەو سوریا دەچوو، کەوتە ناو دەریای رەش و تەواوی سەرنشیانی گیانیان لەدەستدا کە لە تیمی ئۆرکێسترای سوپای روسیا و ھەندێ رۆژنامەنووس و چالاکوانیکی ناسراوی مافی مرۆڤ لە روسیا پێکھاتبوو.

ئەسەد لە بەشێکی دیکەی پەیامەکەیدا بۆ پوتین، سوریا و روسیا بە دوو ھاوبەش دەزانیت کە "بۆ دامەزراندنی بنەماکانی سەقامگیری، ئاسایش و ئاشتی" لە سوریا دەجەنگن
payamner-