رێكخراوی تیرورستی داعش هەڕەشەی كوشتن له‌ ژمارەیەك دیپلۆماتكاری رووسی دەكات.

داعش لیستێكی بە زمانەكانی عەرەبی و ئینگلیزی بڵاوكردووەتەوە، لە لیستەكەدا ئاماژە بە ناو و ژمارە تەلەفۆنی ژمارەیەك باڵیۆزی رووسیا لە شوێنە جیاجیاكانی جیهان كراوە و، هەڕەشەی كوشتنیان لێ دەكات و لەنێوان ئەو وڵاتانەی تێیاندا هەڕەشە لە دیپلۆماتكارانی رووسی كراوە، ئازەربایجان، ئێران، ئۆگەندا و چەند وڵاتێكی دیكە هەن.

بڵاوكردنەوەی ئەو لیستە دوای كوشتنی ئەندریە كارلۆف، باڵیۆزی رووسیا لە ئەنقەرە و هێرشەكەی بەرلینی پایتەختی ئەڵمانیا دێت، تاوەكو ئێستا داعش بەرپرسیاریەتی لە كوشتنی باڵیۆزی رووسیا رانەگەیاندووە، بەڵام بەرپرسیاریەتی هێرشەكەی بەرلینی گرتە ئەستۆ.
payamner-