بەپێی ڕاپۆرتی میدیا فەرمییەکانی ئێران لە شاخی "ئیرەم"ی شاری "دەشتستان"ی سەر بە پارێزگای بووشێهر لە باشووری ئێران، بنەماڵەیەکی دە کەسی دۆزراونەتەو کە 71 ساڵە لە شاخ و چیا دەژین.

میدیاکان باس لەوە دەکەن کە ئەو بنەماڵەیە دە کەسن و بە گوتەی باوکیان کە 71 ساڵی تەمەنە تەنیا بۆ خۆی چەند جارێک سەردانی گوندێکی کردووە و باقی ئەندامانی خێزانەکەی قەت مانای ژیانی شار و گوند نازانن و نەیاندیوە.

بەپێی زانیارییەکانی بەڕێوەبەرایەتیی ڕەگەزنامەی شارستانیی بووشێهر، ئەو بنەماڵەیە لە ناوچەیەکی کوێستانی و هەڵدێر بەناوی "وال تەن چوول نار"ی هەڵکەوتوو لە شاخی ئێرەم لەناو کۆخ و کەپردا دەژین و بەمداوایانە تیمێکی هێزە ئەمنییەکان و دامودەزگا فەرمییەکانی ئێران سەردانیان کردوون.

بەپێی زانیارییەکان سەرپەرستی ئەو بنەماڵەیە ناوی بەهمەنیار و تەمەنی 70 ساڵە و منداڵی گەورەی کوڕێکی تەمەن 37 ساڵە و منداڵی بچووکیشی کچێکی 14 ساڵە.

بە گوتەی بەڕێوەبەری بەڕێوەبەرایەتیی ڕەگەزنامەی سارستانیی بووشێهر ئەو بنەماڵە دە کەسییە لە هەرچەشنە ئیمکانات و پێداویستییەکی ژیان بێبەش بوون و ژیانیان بە شێوەی عەشیرەیی خێڵەکی بەڕێوە چووە و تەنانەت بە بینینی جلوبەرگی نوێ و کەوچک و چەتاڵ، کامیرا، قەڵەم و کاغەز سەریان سووڕ ماوە لە کامیرا ترساون و لە نزیکی و لێدان لەگەڵ خەڵک ترسیان هەبووە.

یەکێک لە کچانی بنەماڵەکە گوتوویە "من قەت مانای شار و گوند نازانم، جگەلە کێو و ئەستێرە و شاخ هیچی دیکە نازانم."





باسنيوز

بەپێی ڕاپۆرتەکان کارئاسانی بۆ دەرهێنانی ناسنامەی فەرمی و هێنانیان بۆ ناو گوند و شارەکان کراوە و بڕیارە فیمێکی دیکۆمێنتارییان لەسەر ساز بکرێت."