سەرچاوەیەک لە تورکیا کە داوای کردووە ناوی ئاشکرا نەکرێت، بە رۆژنامەی حوڕییەتی راگەیاند: ئەو فڕۆکە بێ فڕۆکەوانەی رۆژی ٢٤ی نۆڤەمبەری رابردوو لە سووریا هێرشی کردە سەر بنکەیەکی سەربازیی تورکیا، دروستکراوی ئێران بووە.



ئەم بەرپرسە تورکە گوتی: ئاشکرایە هێرشەکە کە چوار سەبازی تورکی کوشت، لەلایەن فڕٶکەیەکی ئێرانییەوە ئەنجام دراوە و دیاریش نییە ئەم فڕٶکەیەبە دەست کام گروپەوە بووە.

بەرپرسە تورکەکە هەروها رایگەیاند: لە سەردانە چاوەڕواننەکراوەکەی ماوەی رابردووی مەولوود چاووش ئۆغڵوو و هاکان فیدان بۆ ئێران ئەم بابەتە لەگەڵ بەرپرسانی ئێرانی باسی لێوەکراوە.

لە قەیرانی سوریادا هەردوو هێزی سەربازیی ئێران و تورکیا بەشدارن. تورکیا دەڵێ پێویستە ئەسەد لەسەر دەستەڵات نەمێنێت و ئێرانیش پشتگیریی مانەوەی دەکات.
payamner-