سه‌رۆكی هه‌ڵبژێردراوی ئه‌مریكا دۆناڵد تره‌مپ بۆ یه‌كه‌مجار سه‌ردانی كۆشكی سپی كرد و یه‌كه‌مجاریش چاوی به‌ باراك ئۆباما سه‌رۆكی ئێستای وڵاته‌كه‌ی كه‌وت.

ترامپ پاڵێوراوی كۆمارییه‌كان له‌ هه‌ڵبژاردنی سه‌رۆكایه‌تی ئه‌مریكا رۆژی هه‌شتی تشرینی دووه‌م، سه‌ركه‌وتنی به‌سه‌ر هیلاری كلینتۆنی پاڵێوراوی دیموكراته‌كانی تۆمار كرد و ده‌بێته‌ 45مین سه‌رۆكی ویلایه‌ته‌ یه‌كگرتووه‌كانی ئه‌مریكا.

ترامپ رۆژی پێنجشه‌ممه‌ له‌سه‌ر داوای ئۆباما سه‌ردانی كۆشكی سپی كرد، پاش ئه‌وه‌ی ئۆباما پیرۆزبایی سه‌ركه‌وتنی لێی كردبوو و بانگهێشتی كۆشكی كرد بۆ تاوتوێكردنی پرسی گواستنه‌وه‌ی ده‌سه‌ڵات.

ترامپ پاش سه‌ردانكردنی ئۆباما له‌ كۆشكی سپی له‌و ئه‌ژماری تایبه‌تی خۆی له‌ تویته‌ر، یه‌كه‌م‌ چاوپێكه‌وتن و كۆبوونه‌وه‌ی له‌گه‌ڵ ئۆباما به‌ رۆژێكی خه‌یالی و زۆر باش وه‌سفی كرد و گوتی مانیلا زۆر حه‌زی له‌ میشل ئۆبامایه‌.
k24-