پارتی دیموکراتی گەلان (هەدەپە) کاری پەرلەمانتارانی لە پەرلەمانی تورکیا هەڵدەپەسێرێت.



ئایهان بیلگە، گوتەبێژی هەدەپە کاتژمێر 11ـی رۆژی یەکشەممە 6ـی تشرینی دووەمی 2016 راگەیەندراوێکی بە ناوی حزبەکەی بڵاو کردووەتەوە و تێیدا رایگەیاندووە، کە هەدەپە درێژە بە خەباتی مالەوماڵ لە شارەکان دەدەن.



هەروەها لە راگەیەندراوەکەدا هاتووە، کە حزبەکە کاری هەموو پەرلەمانتارانی خۆی لە پەرلەمانی تورکیا هەڵپەساردووە، ئەمەش وەک کاردانەوەیەک دژی دەستگیرکردنی سەڵاحەدین دەمیرتاش و فیگەن یوکسەکداغ، هاوسەرۆکانی هەدەپە و ژمارەیەک پەرلەمانتاری دیکەیان.



رۆژی هەینی 4ـی تشرینی دووەم، هێزە ئەمنییەکانی تورکیا سەڵاحەدین دەمیرتاش، فیگەن یوکسەکداغ و حەوت پەرلەمانتاری ئەو حزبەیان دەستگیر کرد.








باسنیوز