باڵیۆزخانەی کۆماری ئیسلامیی ئێران لە ئەنقەرە، ئەمڕۆ چوارشەممە بە بڵاوکردنەوەی ئاگادارییەک بۆ هاووڵاتیانی خۆی لە تورکیا و ئێران هۆشداریی پێداون کە ئەگەر کاری زەروورییان نییە، سەردانی ئەو وڵاتە نەکەن.

بەپێی ڕاپۆرتی ماڵپەڕی نیوە فەرمیی ئیسنا و بە پشتبەستن بە ئاگاداریی باڵیۆزخانەی ئێران لە تورکیا، ئەو هەڵوێستەی ئێران پاش ئاگادارکردنەوەی ڕێکخراوی زانیاری و ئاسایشی تورکیا (میت) هاتووە کە ئەگەری هەیە هێرشی ترۆریستی لەو وڵاتە ڕوو بدات.

لە بەشێکی دیکەی ئاگادارییەکی باڵیۆزخانەی ئێران لە تورکیادا هاتووە "لانیکەم لە چوون بۆ شوێنە گشتی و قەرەباڵغەکانی تورکیا خۆیان ببوێرن."

دوێنێ قایمقامیەتی ئەنقەرە بەڕێوەچوونی هەرچەشنە کۆبوونەوە و خۆپیشاندانێکیان لەو شارە هەتا کۆتایی مانگی نۆڤەمبەر قەدەغە کرد و هۆکارەکەشی بۆ بوونی هەندێ زانایری لەبارەی ئەگەری ڕوودانی کردەوەی تیرۆریستی گەڕاندووەتەوە."


لە دوو شاری ئەنقەرە و ئیستەنبووڵ چەندین کردەوەی خۆکوژی و تیرۆرسیتی ڕوویان داوە و لە چەند مانگی رابردووشدا چەند هیرشێک بۆ سەر هاووڵاتیانی ئێران لە شارەکانی تورکیا روویان داوە.













باسنيوز