لەبارەی بەردەوامی بۆردوومانەكانی سەر شاری حەلەبی سووریا هۆشداری تووند دەدرێت، ئەوەش دوای ئەوەی بەپێی ئامارەكان لەماوەی دوو هەفتەدا ژمارەی كوژراوەكان نزیكبووەتەوە لە 350 كەس، تەنیا 30 پزیشك لە شارەكە ماون و پێداویستی پزیشكیش دەستناكەوێت.

رێکخراوی تەندروستی جیهانی سەر به نەتەوە یەکگرتووەکان سەبارەت بە بارودۆخی مرۆیی حەلەب چەند زانیارییەکی ئاشكراكرد و رایگەیاند، 30 پزیشک لە حەلەب خزمەت بە زیاتر لە 250 هەزار خەڵکی گەمارۆدراو دەکەن.

د. ریک برێنان، بەڕێوەبەری فریاکەوتن و هاوکاری مرۆیی لە رێکخراوی تەندروستی جیهانی لە كۆنگرەیەكی رۆژنامەڤانی لە جنێڤ باسی لە تووندوتیژییەکانی حەلەب و بۆردوومانی سەر نەخۆشخانەكان کرد.
رووداو -