Fermandeya giştî yê Yekîneyên Parastina Gel (YPG) di beyannameyekê de amar şerê 7 rojana li bajaroka Til Temir di navbera Yekîneyên Parastina Gel (YPG) û grûpên çekdar aşkere kir ku di encama şer û pevçûnên navbera herdu aliyan de 35 çekdar hatine kuştin û 5 endamên Rêxistina Cebhêt El Nesre ji aliyê Yekîneyên Parastina Gel (YPG) ve dîl hatine girtin her weha di van şer û pevçûnan de 4 şervanên Yekîneyên Parastina Gel (YPG) jî jiyan xwe ji dest dane her weha YPG dest danane ser çeka Doşka 12.5, çeka qenas, BKC, 17 çekên Kilaşînkof û 3 otombêlên grûpên çekdar û hin kelûpelên leşkerî.

Hêjayî gotinê ye ku beriya 3 rojan grûpek çekdar yên ser bi Êla Şerabîn ya Ereb li nêzî gundê Eyn Ebd hêriş kirin ser yekîneyeke gerok ya Yekîneyên Parastina Gel (YPG) di encam de du rojan şer û pevçûn di navbera herdu aliyan de rû dan, piştre grûpeke çekdar ya ser bi Rêxistina Cebhêt El Nesre agirê fitneyê vêxist û hewl da ku wê deverê bikşîne berbi şerekî tayîfî, lewra piştgirî da grûpên çekdar û hêrişî gundên deverê kirin, lê li hemberî berxwedan û xweragiriya Yekîneyên Parastina Gel (YPG) xwe engirt û ziyanên maddî û canî dan.

Di beyannameyê de hatiye ku, ew herêm niha di bin kontrola Yekîneyên Parastina Gel (YPG) de her weha rêya navbera Til Temir – Til Beyder ji grûpên çekdar hatiye paqij kirin.

Xendan