Evro li Bajarê Kelarê bi merasimeke şikûmend û bi beşdariya hijmareke zêde ji Rayedarên Kurdistana û kesûkarên Şehîd û Enfalan termên 158 welatiyên Kurd yên ku, ji aliyê Rejîma Baesê ve hatibûn enfalkirin hatin weşartin.

Di destpêka vê merasima han de peyva Berpirsê îdareya Devera Gerimiyanê hate pêşkêşkirin û pişt re jî gotara Serokê Kurdistanê ji aliyê Wezîrê Şehîd û Enfalên Kurdistanê ve hate pêşkêşkirin.

Di berdewamiya vê merasima han de çendîn peyv û gotarên din hatin pêşkêşkirin û daxwaz hate kirin ku, komkujiyên han weke Cenuside werin nasîn.

Piştî danîna deste gola Serokkomarê Îraqê û Serokê Kurdistanê li ser wan terman, termên han di nava goristana enfalê de hatin weşartin.