Serokê Herêma Kurdistanê pêşwaziya Serokê Herêma Dordona Fransa kir
Li hevdîtinê de, ku Konsolê Giştî yê Fransa li Herêma Kurdistanê û Nûnerê Hikûmeta Herêma Kurdistanê li Fransa amadebûn, pêvajoya siyasiya Iraq û ew tengasiyên siyasiya ku dûçarî bûye û her wiha gengeşeyên vê dawiyê ya navçeyên veqetandî û çawayiya zêdetir geşkirina pêwendiya navbera Herêma Kurdistan û Fransa û Herêma Dordona wî welatî bi taybetî hate nirxandin.
Li vî warî de Serok Barzanî bi kurtî di derbarê wan karesatan xisterû ku bi dirêjahiya dîrokê dûçarî gelê Kurdistanê bûne û balkişand li ser wan pêşketinan ku li piştî raperînê û heta niha li Herêmê hatine holê û spasî helwest û piştevaniya gel û Hikûmeta Fransa kir ku li qonaxên cûda cûdayên xebat da hevkariya gelê Kurdistanê kirine.
Ji aliyê xwe ve Senator Bernard Kazo Serokê Herêma Dordon amadehiya welatê Fransa û Herêma Dordonê ya li geşkirina pêwendiya xwe ya li gel Herêma Kurdistanê da derbirî, bi taybetî li warên aborî û jêderên av û şûnewar û encamdana karê hevbeş li wan waran da û tekez jî li wê yekê kir ku weku Serokê Grupê Dostayetiya Iraq - Fransa li Encumena Pîrên Fransa rola xwe li veguhestina wêneya rasteqîneya Herêma Kurdistanê û girîngiya li navçeyê da li wê Encumenê da dibîne.
