Piştî pejrandina proje biryara civata Wezîran ya Hikûmeta Kurdistanê ya ji bo destnîşan kirina Bajarê Silimaniyeyê weke Paytexta Rewşenbîriya Kurdistanê ji aliyê Parlementoya Kurdistanê ve, Endamê mekteb siyasiya partiya demokrata Kurdistanê û Şewirmendê civata ewlekariya netewî ya Kurdistanê birêz Mesrûr Barzanî li ser pêgeha xwe ya li facebookê de peyamek pêşkêş kir ku, ev jî tekesta vê ye;

Bi minasebeta pejrandina biryara bi peytext kirina Silimaniyeyê bo Rewşenbîriya Kurdistanê gerimtirîn pîrozbayiyên xwe pêşkêşî Bajarê helmet û qurbanî dikim.

Bajarê Silimaniyeyê bi rastî hêjayê vê nava hane û ez bawerim ev biryara han rêz girtin û wefaya xelkê Kurdistanê bo Dîroka têjî ji xebat û têkoşîna siyasî û rewşenbîrî ya Silimaniyeyê ye.

Ez piştgîriya vê yekê dikim ku, girîngî bi tevahiya Deverên curbicur yên Kurdistanê li gorî taybetmendiyên Dîrokî û Cogirafî were dayîn, û girîngî bi şiyanên her Deverekî were dayîn û karînên madî û menewî yên Kurdistanê bi awayekî yeksan li ser tevahiya Deveran werin dabeşkirin.

Careke din pîroze li Paytexta rewşenbîriya Kurdistan û welat hertim awedan û pêşkeftî be.

Mesrûr Barzanî