Îmad Ehmed cîgirê serokwezîrê Kurdistanê, duhî roja sêşemiyê 27.11.2012ê li firokexaneya Hewlêrê a navdewletî pêşwazî li Lêşk Voytaşk cîgirê serokê herêma Volka polska û şandeya pê re kir û di civînekê de behsa têkeliyên navbera her du aliyande kir.

Di civînê de ku, wezîrê pilandananê, wezîrê akincîkirinê yön hikûmeta Kurdistanê û sefîrê Poloniyayê yê Îraqê amade bûn, behsa peywendiyên siyasî, aborî û abzirganî yên di navbera her du aliyan de kir û got ku, her welat û herêmeke bixwaze beşdariyê di avadankirina herêma Kurdistanê de bike, deriyên Kurdistanê jê re vekirîne.

Cîgirê serokê herêma Volka Polska a poloniyayî ew pêşkeftin û pêşveçûnên li herêma Kurdistanê bi dest ve hatine blind nirxandin û got ku, ew dixwazin têkeliyên xwe di warên cuda de digel herêma Kurdistanê berfireh bikin.

Sefîrê Poloniyayê yê Îraqê jî di axavtina xwe de behsa kar û çalakiyên sefaretxaneya poloniyayî li Îraqê kir û got:

- Ji bo berdewamî û geşepêdana têkeliyên Poloniyayê digel herêma Kurdistanê, me biryar daye ku, di destpêka meha bê de konsulxaneya Poloniyayê li Hewlêrê vekin. Ev yek jî dê bibe sedemê berfirehbûna têkeliyên siysaî, aborî û bazirganî bi herêma Kurdistanê re.

şandeya navborî ji nûnerên 15 kompaniyên mezin û 8 zanîngehên poloniyayî û hijmareke bazirganên mezin pêr tê û biryare serdana bajarê Silêmaniyê û Duhokê jî bikin.