Serokê Partiya Yekîtiya Demokrat (PYD`ê) yê Rojavayê Kurdistanê, Salih Mislim, ragihandiye ku Itîlafa Niştimanî ya hêzên opozisyona Sûriyê birîkarê Tirkiyê û Qeterê ye. Her weha li gor Mislim ew Kurdên ku di nava wê Itîlafê de beşdarin ne nûnerên Kurdên Sûriyê ne û ser bi Tirkiyê ve ne.

Ajansa Rûsya Today li zarê Serokê PYD`ê Salih Mislim belavkiriye ku: "Ew Partî û aliyên Kurd yên di Itîlafa Niştimanî yê Hêzên Opoozisyona Sûriyê bûne endam , hilbijardeya desthilata Tirkiyê ne, her weha Enqerê jib o cîbicîkirina ejindeyên xwe ew partiyên Kurd xistine nava wê Itîlafê."

Mislim di axaftina xwe ew yek red kiriye ku çi hemahengiyeke wan li gel PKK`ê hebe, lê daye zanîn ku ew bi felsefeya Ocalan serbilindin.

Serokê PYD`ê amaje bi wê yekê jî kiriye ku partiya wî daxwaza herêmekî serbixwe bo Kurdên Sûriyê nake û got: "Em cudabûnê naxwazin û em naxwazin sînorekî nû bikşînin. Hemû tişta ku em dixwazin naskirina gelê Kurd di desturê de û misogerkirina mafên demokratî yên gelê Kurd li Sûriyêye."

Sebaret bi Itîlafa Niştimanî ya Hêzên Şoreşê û Opzisyonê ku li Qeterê hate ava kirin jî Salih Mislim got: "Ji %60 wan pester di nava Encûmena Niştimanî ya Sûriyê de bûn û ser bi Îxwan Mislimînin. Niha jî her peyakî olî ser bi Îxwan`an serokayetiya Itîlafa hêzên opozisyona Sûriyê dike. Ji ber vê yekê tu cudabûnek di navbera vê Itîlafê û encûmena pêşîn (ENS) de nabînim û pêşbîn dikim ku wê her şaşitiyên berê dubare bikin."

Xendan