Nêçîrvan Barzanî: Hêvî Dikim Kêşeyên Heyî Bi Rêya Diyalogê Werin Çareser Kirin
Di destpêka civîna han de Serokwezîrê Kurdistanê behsa serdana xwe ya ji bo Îranê kir û ragihand ku, ev serdana han bi her awayî serdaneke erênî û serkeftî bû û bû sedema ji nav birina ev sardî û jihev fêmnekirinê ku, ketibû nava peyvendiyên hayî yên di navbera her du aliyan de.
Serokwezîrê Kurdistanê ev yek jî eşkere kir ku, Komara Îranê Cîraneke girînge bo Kurdistanê û ev jî dixwazin peyvendiyên xwe yên bi Kurdistanê re bi her awayî bihêztir û berfiretir bikin.
Serokwezîrê Kurdistanê di dirêjahiya axaftinên xwe de behsa serdana Cîgirê Serokkomarê Îranê yê ji bo karûbarên navnetewî Dr. Elî Seîdlû jî kir û ragihand serdana nav hatî bo Kurdistanê bû weke pêvajoyeke nû ya ji bo peyvendiyên heyî yên di navbera her du welatan de û em weke her du aliyên têkeldar li ser ji nav birina wan asteng û kêşeyên ku, dibin asteng li berdem hatina kompaniyên Îranî bo Kurdistanê û berfiretir kirina peyvendiyên heyî li hev kir û me wezaret û aliyên peyvendîdar jî bo wenêrîn û cîhbicîh kirina wan peymanan ku, di dema konferansa abûriya Kurdistan û Îranê de hatibûn îmzekirin erkdar kirine.
Serokwezîrê Hikûmeta Kurdistanê herwiha besa beşdarî kirina xwe di konferansa abûrî û enerjî ya Atlantîcê jî kir û ragihand ku, di dema beşdarî kirin di vê konferansa han de bi Serokwezîrê Tirkiye Receb Teyyib Erdoxan re jî hevdîtinek pêk aniye û di vê hevdîtina han de tekez li ser hîn bihêztir û berfiretir kirina peyvendiyên abûrî û bazirganî yên di navbera her du aliyan de hate kirin.
Piştî bi dawî hatina axaftinên Serokwezîrê Kurdistanê, civata Wezîran proje bûdceya sala 2013an ya Hikûmeta Kurdistanê nirxand û piştî nîqaş û giftûgoyên berfire biryar hate dayîn daku, komîteyek were damezrandin bo paknivîs kirina projeya han di warê rêzmanî û polîn kirina beşên vê projeyê de.
Di berdewamiya vê civîna han de rewşa Deverên weqetandî û ev aloziyên ku, jiber damezrandina hêzên Dîcleyê li wan Deveran de derketine hatin nirxandin û Serokwezîrê Kurdistanê birêz Nêçîrvan Barzanî jî diyar kir ku, ev lêv û tevgerên Artêşa Îraqê eger girêdayî bi organîze kirina Artêşa Îraqê be ti kêşeyek tuneye lê eger bixwazin ku, hêzên navxwe, Polîs û asayîş jî bixin jêr destê wan hêzan û rewşa ewlekariya wan Deveran aloz bikin bê demê ev pêngava han pêngaveke li dijî destûra bingehîn ya Îraqê û bi ti awayî nayê qebûlkirin.
Her di vê derbarê de Serokwezîrê Hikûmeta Kurdistanê hêvî xwest ku, kêşeyên heyî bi rêya diyalog û danûstandinê werin çareserkirin.
Di çarçoweya vê mijara han de civata wezîran ya Hikûmeta Kurdistanê eşkere kir ku, her çend lêv û tevgerên hêzên Dîcleyê metirsiye bo ser Deverên weqetandî lêbelê yekhelwestî û yekrêziya tevahiya aliyên Kurdî di vê warê de gerentiyeke gelek başe bo parastina Kurdistan û destkeftên heyî.
