Duh şewirmendê civata ewlekariya netewî ya Kurdistanê birêz Mesrûr Barzanî pêşwaziya Konsulusê Amerîkayê yê li Hewlêrê Paul Stephen kir.

Di hevdîtineke de li ser rewşa dawî ya Kurdistan, Îraq û Deverê de giftûgo hate kirin û di derbarê rewşa Deverê de Şewirmendê civata ewlekariya netewî ya Kurdistanê birêz Mesrûr Barzanî tekez li ser vê yekê kir ku, pêwîste tevahiya aliyan bihevre û bi awayekî jihevfêm kirin hewl bo aram kirina rewşa Îraq û Deverê bidin.

Konsulusê Amerîkayê jî di vê derbarê de diyar kir ku, hewldanên wan yên ji bo hemahengî di navbera tevahiya aliyên Îraqê de didomin û tekez li ser girîngiya pêgeha Kurdistanê ya ji bo serxistina prosesa siyasiya Îraqê kir.

Konsulusê Amerîkayê di berdewamiya axaftinên xwe de balkêşande ser rewşa baş ya ewlekarî a Kurdistanê û rola dezgehên ewlekarî yên Kurdistanê bi roleke girîng wesif kir.