Li bajarê Sûriyê Hema yê ku wekî kelha mûxalifan tê bi nav kirin, di encama êrişekî bi erebeyekî bombebarkirî de 50 leşkerên Sûriyê hatin kuştin.

Di demek ku mûxalifeta Sûriyê ji bo diyarkirina stratejiyekî nû li paytexa Qeter Dohayê civiyan, li Sûriyê şiddet û teqîn berdewam dikin.

Ajansa nûçeyan a Reutersê ku xwe dispêre mûxalifên Sûriyê, diyar kir ku li bajarê Hemayê di encama êrişa bi erebeyekî bombebarkirî de herî kêm 50 leşker hatin kuştin.

Mala çavdêriya ya mafê mirov a Sûriyê ya navenda wê li Londonê, diyar kir ku teqîna li Hemayê ji aliyê milîtanekî Eniya el-Nusra ya girêdayî El-Qaîdeyê ve hatiye encamdayîn.

Televizyona dewletê jî diyar kir ku li herêma Mezze ya Şamê di encama teqînekê de gelek kes birîndar bûne.