Bîlonçoya ba û bahoza li çend eyaletên Amerîka dayî diyar bû û li gor vê yekê heta niha herî kêm 105 kes mirine.

Ba û bahoza bi navê Sandy a li qeraxên rojhilatê Amerîka dayî, bû sedem ku gelek eyaletan di bin bandora xwe de bihêle. Nêzî 8.5 milyon xanî û cihên kar di bandora wê de man. Li gor agehdariyên dawiyê herî kêm 105 kes mirine.

Herçendî çend roj li ser wê ba û bahozê re derbas bûne, hê jî elektrîka eylata New York û New Jersey nehatiye dayîn.

Li gor hêjmaran bûyerên di encama bahoza Sandy de rûdayîn:

New York

Li navenda New Yorkê 41 û bi giştî 48 kesan jiyana xwe ji dest dane. Elektrîka 2.2 milyon mal û cihên kar hatiye birîn. Hê elektrîka zêdetirî 900 hezar mal û cihên kar nîne.

New Jersey

23 kesan jiyana xwe ji dest dane. Elektrîka 2.7 mal û cihên kar hatiye birîn. Hê jî elektrîka 1.2 milyonan nîne.

Pennsylvania

15 kesan jiyana xwe ji dest dane. Elektrîka 1.2 mal û cihên kar hatiye birîn û hê ya 163 hezaran nîne.

Connecticut

3 kesan jiyana xwe ji dest dane. Elektrîka 625 mal û cihên kar hatiye birîn û hê ya 131 hezar û 400an nîne.

Massachusetts

Heta niha kes ne miriye. Elektrîka 400 mal û cihên kar hatiye birîn û hê ya 971an nehatiye dayîn.

Rhode Island

Heta niha kes ne miriye. Elektrîka 122 mal û cihên kar hatiye birîn û hê ya 130an nehatiye dayîn.

Li eyaletên din ên Amerîka jî bîlançoya kesên jiyana xwe ji dest dane bi vî awayiye; Maryland 4, New Hampshire 1, North Carolina 2, Ohio 2, Virginia 2 û West Virginia 6.

Rudaw