Serokwezîrê Kurdistanê Pêşwaziya Leyla Zana Kir
Di hevdîtineke de behsa pêşkeftinên heyî û rewşa niha ya doza Kurd a li Tirkiyeyê û pêşhateyên dawî yên li Deverê de bi giştî hatin nirxandin û her du alî tekez li ser aramtir kirina rewşa heyî kir û diyar kirin ku, pêwîste rêjandina xwînê di navbera her du aliyan de were rawestandin û hewl bidin daku, bi rêyên aştiyane û diyalogê kêşeyên heyî werin çareserkirin.
Di berdewamiya vê hevdîtina han de Serokwezîrê Kurdistanê birêz Nêçîrvan Barzanî tekez li ser vê yekê kir ku, kêşeya Kurd li Tirkiyeyê kêşeyeke siyasiye û bi tenê bi rêyên siyasî û aştiyane tê çareserkirin dibe tevahiya aliyan ji vê yekê fêm bikin ku, ev kêşeya han bi ti awayî bi rêyên leşkerî û çalakiyên çekdarî û operasiyonan nayê çareserkirin lêbelê ev rêbazên han bi tenê ev kêşeyên han aloztir dikin û bi ti awayî fêde nade ti aliyekî.
Di berdewamiya vê hevdîtina han de Serokwezîrê Kurdistanê ev yek jî diyar kir ku, bo çareser kirina aştiyane ya doza Kurd a li Tirkiyeyê de vê çi bikeve ser milê Hikûmeta Kurdistanê em amadene ku, cîhbicîh bikin.
