Ocalan: Bo aştî û çareseriyê çi ji destê min bê ezê bikim
Li gorî nûçeya rojnameya Hurriyet ya Turkiyê, biryarê Abdullah Ocalan, Mihemed Ocalan, roja 21 Îlona îsal çû zîndana Îmrali û bi Ocalan re hevdîtin pêk anî.
Li gorî nûçeyê, Mihemed Ocalan, diyar kir, rojeva herî girîng ya Ocalan, şer û pevçûnên vê dawiyê yên navbera artêşa turk û gerîlayên PKK de bûye û wiha axivî:
“Ocalan êdî naxaze ne esker ne jî gerîla bimirin.”
Tê zanîn, zêdetirî salekî bû ne malbata Ocalan ne jî parêzerên wî nikarîbûn bi wî re hevdîtin bikin û ev jî bibû sedema hinek fikaran.
Serokwezîrê Turkiyê, Erdogan jî gotibû, li ser daxaza birayê Ocalan û ji ber fikarên ku “miriye û kuştine”, biryar hat dayîn, birayê Ocalan serdana wî bike.
Di çend rojên borî de, rayedarên Turkiyê daxuyaniyên girîng li bara destpêkirina hevdîtinan digel PKK û Abdullah Ocalan didin.
AKnews
