Duh sêşem 11/09/2012 birêz Mesûd Barzanî Serokê Herêma Kurdistanê li Selahedîn pêşwaziya şandekî rêxistina Hevkariya Navdewletiya Elmanî ya bi Serokayetiya Yuxîn Rêngir û birêz Rolf Olrîş Konsolê Giştî yê Elmanya li Herêmê kir.

Li hevdîtinê de, birêz Rolf Olrîş bi kurtî di derbarê rêxistinê zanyarî pêşkêşî Serok Barzanî kir û behsa girîngîdana rêxistinê bi Herêma Kurdistanê kir û li vê çarçêweyê da balkişand li ser kar û kombûnên şandê ya li gel Wezaretên Pêwendîdarên Herêma Kurdistanê kir û xweşhaliya şandê jî sebaret bi hemahengiya di navbera Hikûmet û rêxistinê derbirî û armanca pêgihandina tuwêjekî lawê pîspor li hemû waran da bi taybetî li warê xwendina pîşeyî û tendirustî û av û avarok û xizmetguzariyên pêwîst kir û li vî warî de balkişand li ser wê yekê ku rêxistin û Hikûmeta Herêmê mijulin ji bo hemahengiya li gel hevdû û danîna bernameyekî tokme ji bo paşarojê peymanekî çarçêweyî encam bidin û behsa rewşa Herêma Kurdistanê ya li ruyê mafên mirov kir û pêkve jiyan û rêzgirtina li bîr û baweriya olî û neteweyî û ragihand ku hebûna wan hemû bingehan wiha li Kurdistanê kiriye ku şayesteyê girîngîdana rêxistiname bê.

Serok Barzanî ji bo wan karên ku heta niha encamdane spasî rêxistinê kir û ragihand ku Herêma Kurdistanê li qonaxekî seretayî daye û pêwîstî bi şarezayî û rêxistina wan heye û perwerdekirina mirovê Kurdistanê jî yek ji wan armancane ku Hikûmeta Herêma Kurdistanê karên cîddî ji bo wê dike, girîngbuna wê li vir daye ji bo pêşxistina mirov û wê îradeyê jî li Kurdistanê da hebûna xwe heye.