Serpereştyarê kampaniya alîkarîkirina kurdên Rojavayê Kurdistanê li bajarokên Derbendîxanê aşkre kir ku kampaniya wan bi dawî hatiye û bêtirî 25 milyon dînarê iraqî û cilên jin û zarokan bo wan hatine komkirin.

Hekîm Ebdilkerîm ji AKnewsê re daxuyand ku kampaniya wan di 12ê tebaxê de dest pê kir û duhî jî bi dawî hat.

Ebdilkerîm ronî kir ku di çarçoevay kampaniyayê de wan 25 milyon û 175 hezar dînar digel 500 dolarê amerîkî kom kirine.

Ebdilkerîm bal kişand ku her wiha gelek cilên zarok û jinan û kelûpelên xwarinê jî ji dikanan hatine komirin.

Ebdilkerîm amaje kir ku ew digel ofîsa koç û koçberan a Duhokê axivîne daku wan pere û kelûpelan bigihîne kampên kurdên Rojava li Duhokê.

AKnews