Li bajarê Kerkûkê bombeyek teqiya û di encamê de 3 polîs mirin û 4 jî birîndar bûn, yek ji wan Rêveberê Polîsên Qeza û Şaregundên Kerkûkê ye.

Jêderekê ji cihê bûyerê ji AKnewsê re ragihand, "Rêveberê Polîsên Qeza û Şaregundên Kerkûkê Serhed Qadir di nav birîndarên teqîna berî bîstekê li bajarê Kerkûkê de ye.”

Jêderê diyar kir ku di encama vê teqînê de 3 poîsan canê xwe ji dest daye û 4ên din birîndar bûne ku ji wan Serhed Qadir e.

Bajarê Kerkûkê yek ji deverên herî giring yê nakokîdar di navbera Hikûmeta Herêma Kurdistanê û Hikûmeta Iraqê de ye, bajarekî pêkvejiyanê ye ku kurd, ereb, turkmen, xrîstiyanî û çend pêkhatên din tê de dijîn.

Aknews