Li gor ajansa Feratê ya nûçeyan Navenda Çapemenî-Ragihandina HPGê got; “Di 26’ê Tebaxê saet di 24.30 de ji aliyê gerîlayên me ve li navçeya Silopî ya Şirnexê li dijî xeta lûleya petrolê ya Kerkuk-Yûmûrtalikê çalakiyek sabotajê hatiye lidarxistin. Di çalakiyê de gerîlayekî me gihiştiye şehadetê.”

Tê zanîn li nêzî navçeya Silopiyê ya Şirnexê berî sê rojan di xeta petrolê ya Kerkûk-Yûmûrtalikê de şewat derketibû û ti aliyî beroirsiya wê ranekiribû.

Hêjayê gotinê ye ku di 1ê tebaxê de jî li hemberî vê xetê li Nisêbînê çalakiyek sabotajê pêk anî bû. HPGê çalakiya sabotajê ya ku di 5ê tebaxê de li dijî lûleya xeta petrolê ya Kerkûk-Yûmûrtalikê di navbera navçeya Midyad û Hezexê de pêk hatibû jî girtibû ser xwe.