Bi minasebeta 24saliya karesata Enfalan, ji bona bilindragirtina rola dosta gelê kurd Danielle Mitterrandxîzana serokê berê yê Fransayê, rêvebiriya rewşenbîrî û ciwanan li bajarê Duhokê pêşangeheke fotografî bo rojnamevan Şukrî Berwarî li jêr navê (madam Danielle Mitterrand, kurd û enfal) li jêr çavdêriya Aram Ehmed wezîrê karûbarên şehîd û enfalkiriyan yê hikûmeta Kurdistanê, roja sêşemiyê 28.08.2012ê li galariya Duhkê vedike.

Di vê pêşangehê de her yek ji rojnamevan Jan Luk Sîmob, Baskal Şarbiron û Şukrî Berwarî bi hevkarî digel rojnameya La Montagne Centre France û rêxistina Fransa bo azadiyê ku, dosta gelê kurd Danielle Mitterrand serokatiya wê dikir, beşdar bin.

130 wêne di vê pêşangehê de dên bên nîşandan û tebîrê ji karesata Enfala, kampên penaberan li Mardîn, diyarbekir û serdana Danielle Mitterrand bo wan kampên penaberên kurdên başûr yên ji ber êrîşên arteşa Îraqê û kîmiyabarên koçberî bakurê Kurdistanê bibûn dikin.