Di teqînên Kerkûkê de 7 kes hatine kuştin û 52 jî birîndar bûn
Îro sibehê çend teqîn li bajarê Kerkûkê û bajarokên Daqûq, Dûbiz û Hewîce hejandin ku bi rêya otomobîlên bomberêj û bombên vedayî re hatine encamdan.
Çavkaniyek ji polîsê Kerkûkê ji AKnewsê re ragihand ku îro 4 otomobîlên bomberêj li taxên Elmas, Erefe û Feyleq li nav Kerkûkê teqiyan û bûne sedema kuştina kesekî birîndarbûna 20 kesên din.
Di 2 teqînên din de ku navenda nehêştina tawanan li nahiyeya Dqûq kire armanca, 5 kes hatine kuştin û 25 jî birndar bûn.
Li navend û çend taxên nahiyeya Dûbiz jî 3 bombe teqiyan û di encamê de welatiyek hate kuştin û 4 jî birîndar bûn.
Li nahiyeya Hewîce jî, 3 bombe teqiyan ku hêzên polîs û Sehwe kirine armanca xwe û bûme sedema birîndarbûna 3 kesan.
AKnews
