Duh Serokê Kurdistanê birêz Mesûd Barzanî bi minasebeta salvegera damezrandina partiya sosiyal demokrata Kurdistanê peyameke pîrozbayî pêşkêşî Sekreterê partiya han Muhemedî Hecî Mehmûd û tevahiya endam û alîgirên partiya han kir ku, ev jî tekesta vê ye;

Bi navê xwedê mezin û dilovan

Sekreterê partiya sosiyal demokrata Kurdistanê birayê birêz Muhemedî Hecî Mehmûd

Silav û rêz…

Bi minasebeta salvegera damezrandina partiya we ya têkoşer gerimtirîn pîrozbayiyên xwe pêşkêşî we, endamên mekteb siyasî, komîtey navendî û tevahiya endam û alîgirên partiya we ya têkoşer dikim ku, xwedan Dîrokeke pirşêngdar ( baş) e di nava tevgera rizgarîxwaz a Gelê Kurd de.

Hêvî dikim ev bîranîna han bibe handerek bo pêşde birina xebat û têkoşîna xwe û bihêztir kirina peyvendiyên birayane yên di navbera aliyên siyasî yên Kurdistanê de û herwiha parastina yekrêziya Gelê Kurd ku, evro bûye weke pêdeviyeke sereke bo parastina destkeftên heyî û bidest xistina armancên Gelê me, her şad û serbilind bin.

Birayê we

Serokê Kurdistanê

Mesûd Barzanî