Serokê Herêma Kurdistanê pêşwaziya Wezîrê Derveyê Tirkiyê kir
Paşê li civînek de ku her yek ji rêzdaran Kosret Resul Elî Cîgirê Serokê Herêm û Erselan Bayîz Serokê Parlemena Kurdistanê û Nêçîrvan Barzanî Serokê Hikûmeta Herêma Kurdistanê û Dr. Berhem Ehmed Saleh Cîgirê Sekreterê Giştî û Mela Bextiyar Kargêrê Mekteba Siyasiya Yekîtiya Niştimaniya Kurdistanê û Fazil Mîranî Sekreterê Mekteba Siyasiya Partiya Demokrata Kurdistanê û Kerîm Şingarî Wezîrê Navxo û Aştî Hewramî Wezîrê Samanên Sirûştî û Felah Mistefa Berpirsê Fermangeha Pêwendiyên Derveyê Hikûmeta Herêmê amade bûn, behsa pêwendiya du qoliyan û pirsên navçeyê bi taybetî rewşa Suriye kirin û vê ragihandina rojnamevaniya hevpar belavkirin:
Îro li Hewlêr birêz Ahmed Davudoglu Wezîrê Derveyê Komara Tirkiye û birêz Mesûd Barzanî Serokê Herêma Kurdistana Iraqê guftûgoyekî berfireh û dostane û binyadnera di derbarê pêwendiya du qoliyan û pirsên herêmî, bi taybetî li ser pêvajoya Suriye hebû. Her du alî xweşhaliya xwe beramber hengavên pêwendiyên xwe nîşanda û li ser berfirehkirina wan ya li hemû waran da, bi taybetî li warê pêşketinên aborî û uze(enerji)yê da rêkkeftin.
Tekez kirin ku pêvajoya Suriye karesatawiye û êşên gelê Suriye berdewame, qurbanî û wêrankirin li astek daye, ku wêneya xwe nîne, tekez jî kirin ku reftar û siyaseta rejîma Suriye ji bo anîna nakokiyên eşîrî û etnîkî li nav welat da hineke dinî pêvajoyê xerap kiriye û pêşketinên Suriye êrîşe li ser asayîş û aramiya herêmê dirust dike. Bi hemû pêverek ev pêvajo nayê qebulkirin.
Her wiha tekez li ser pabendbûna xwe ya bi veguhestina aştiyaneya siyasiya li Suriye kirin û dûpat kirin ku paşaroja Suriye divê bi tenê ji aliyê îradeya azadaneya gelê Suriye ve biryarê lê bidin.
Her du alî rêkkeftin li ser alîkarî û hemahengiya hewlên wan ya bi mebesta yarmetîdana gelê Suriye ji bo pêkanîna daxwazên rewayên Suriyeya demokratî, azad û firehî, ku hemû welatî li maf û azadiyan da wekhev bibin û li Suriyeya nû da pêwîste nasnameya hemû nîjadan, ol yan jî eşîran rêz lê bigrê û divê mafên wan bête dabîn kirin û bête parastin, her wiha nîgeraniyeke zêdeya xwe di derbarê ne aramî û pevçûnên li Suriye derbirî û tekez li wê yekê kirin ku her hewlek ji bo qostina valahiya desthilat ji aliyê her grûp û rêxistineke tundutîjiyê ve bi êrîşa hevbeş tê danan û pêwîste bi hevbeşî bête çareser kirin.
Pêwîste Suriye ya nû li her grûp yan rêxistineke tundrew û terorîst vala bê û her du alî rêkkeftin li ser berdewamiya şêwirîn û alîkariya bi awayekî li berjewendiya aştî û aramiya navçeyê da bê.
