Duh dûşem 30/07/2012 birêz Mesûd Barzanî Serokê Herêma Kurdistanê bi amadebûna Serokê Parlemen û Serokê Hikûmeta Herêma Kurdistanê serpereştiya civîna li gel Serok û Nûnerên hêz û aliyê siyasiyên Kurdistanê kir û têda rewşa siyasiya îro ya Herêm, Iraq û navçeyê û anîna hêzên serbazî ya navçeyên Şingal û Zumarê nirxandin û li vî warî de lîjneya hemahengiya li gel artêşa Iraq û hêzên Emerîka pêşketinên dawî ya van du navçeyan xisterû û bi hurî sebaret wan peyman û dokumentên pêşkêşî bi amadevanan kiribûn nirxandin ku heta niha ji aliyê Hikûmeta Federal ve kar pê nekirine û paşê jî her yek ji aliyê siyasiyan jî dîtin û nêrînên xwe xistin rû û her hemû jî li ser van xalên li xwarê yek alî bûn:

1- Tekez kirina li ser yekrêzî û yek helwestiya mala Kurd û amadehiya dakokîkirina li destkeftên gelê Kurdistanê.
2- Kêşeyên siyasiyan bi hêz yan bi êrîşê nayên çareser kirin, belku li rêya bi cîhkirina destûr û peymanan û bi girtinaber rêya diyalogê.
3- Dûpatkirina li ser birayetiya di navbera Kurd û Ereb û pêkhatên din weku bingeheke serekî ji bo hukimraniya Iraqê.
4- Beşdarên civînê xwazyarin aliyê Iraqiyan û raya giştiya Iraqê rola xwe ya dîrokî li parastina demokrasî û damezrandinan û karê bi komel li birêvebirina desthilatê da bibînin.

Yekîtiya Nîştimaniya Kurdistanê
Partiya Şu'î(Komunist)a Kurdistanê
Partiya Sosyalîst Demokrata Kurdistanê
Yekgirtiya Îslamiya Kurdistanê
Komela Îslamiya Kurdistanê
Partiya Zehmetkêşên(Kedkarên) Kurdistanê
Tevgera Îslamiya li Kurdistanê
Partiya Demokrata Kurdistanê